A hrehawm em a ni....!!!!!

Saitual khua leh a chhehvel hmunpawimawh te thlalak upload theihse tih request kan hmu a, hma kan la in a theih ang ang chu thla te pawh kan han la a, amaherawh chu technical lamah problem lian deuh kan nei a, duh angin photo leh post kan update thei lova,inhrethiam ang u. Saitual ah hian tun lai hian BSNL Broadband Internet Connection a chhe reng mai a, Photon leh Wireless connectivity kan hmang thei hrih silova, a hrehawm em a ni... Kan khawtlang hruaitu te hian hma min laksak se thalaiten kan mamawh media lamah hei ai hian hma kan sawn theih ngei chu a rinawm khawpmai..

Social Network lamah pawh kan thalai te kanin phochhuak hnem ve ta hle a, kan khawtlang hruaitu te hi chuan hmalakna tur chu an la ngah deuh a ni... Amaherawh chu kan ti leh daih teh ang ka khatliam deuh tlat. Kan VC ten hmun pakhat a Contract hna an thawhna (Step rem) chu mihring tan pawh zawh inthlahlun awm khawpin a chhe tlat mai. Facebook lamah a thlalak ka post dawn emawni ka ti deuh a, mahse mahni VC te tih mualpho na a ni dawn sia tiin ka insum leh hram a, thiat leh vek sela a aia tha deuh a rem nise chu a duhawm khawp mai.. Mikhual in an hmu ang tih a hlauhawm emai... Khawtlang tana thahnemngai tak mi kan mamawh deuh chuan ka hria... A hrehawm emai..... thahnemngaihna in kan ti a nih chu....

Presbytery Inkhawmpui

Tuivawl Presbytery Inkhawmpui chu Dt 7th - 9th October hian Saitual North Presbyterian Kohhran Biak Inah neih a ni dawn.

Tunah hian Tuivawl Presbytery huamchhungah hian Pastor bial 4 a awm mek a, Saitual, Keifang, Mualpheng leh Sihfa bial te a ni. Tuntum Presbytery Inkhawmpuiah hian Upa nemngheh tur an awm nual bawk a ni.

India Independence Day 2011 chu Saitual Public Playdround ah Saitual Sub-Division huamchhunga School leh Institution hrang hrang leh khawtlang mipui ten programme ropui tak hmangin a lawmna neih a ni a, He tah hian Pu Lalthanzara Perliamentary Secretary chu khuallian niin, Aizawl Municipal Council hruaitu thenkhat ten an rawn tawiawm bawk a ni. School hrang hrang tangin March Pass Contingent 20 chuang in an entir a, Tin, Independence Day lawmna atana infiamna hrang2 Chess competition, Batminton tournament, leh Football tournament final neih a ni bawk a, he ni hmang tura lo kal khawm mipui te hi Nl. Vanlalhriati Saitual Venglai chuan zaiin a awi bawk a, kalkhawm ten nuam an ti hle...

Sikul naupang leh mipui lo kalkhawm zawng zawng te hi Squash tuhnai tak sem an ni a, Tin Sikul naupang te chithlum mum tui tak sem a ni bawk.

Photo

http://imgur.com/biwHy.jpg

Independence Day Tournament tan dawn

India Independence Day Celebration Tournament Saitual ah neih a ni dawn a, hetah hian Team engemaw zat tel turin an in ziak lut a, G&SA Affiliated team te mai bakah School leh College a tel tur te pawh an awm a ni awm e... A ropui riap riap viau ang.. He hunah hi ropui taka hman tum a ni a, School hrang hrangte March Pass intihsiakna a awm bawk ang. Sweet te pawh an sem leh hmel e...

MSU Sub-Hqrs. in Passed tharte lawmpui

Dt. 5th Aug. 2011 khan Mizo Student Union (MSU) Sub-Hqrs Saitual chuan Govt. Higher Secondary School Saitual chawnpui vengah kummin a zirlai hlawhtling thar te, HSLC chin chunglam te lawmpuina hun hman a ni a, hetah hian Pu Chawngtinthanga Education Minister chu khuallian niin, MSU Gen. Hqrs hruaitu ten an rawn hman pui bawk a ni. Tlailamah Tourist Lodge Saitualah MSU Gen. Hqrs hruaitute leh MSU Sub-Hqrs, Saitual hruaitu ten chawhlui kil ho pahin an hmalak zel dantur an sawiho bawk a ni.

Lungphum Phum

Saitual Presbyterian Kohhran chuan an Biak In sakna tur Lungphum chu Dt.23.7.2011 khan Bialtu Pastor Rev.Zosanglura Pakhuangte in a phum. Biak In hlui hi thiat lova a theih chen chen sak phawt tur a ni a. Biak In thar design tu hi Dr.Lalbiakmawia Ngente a ni a.Rs.80 lakhs vel senga sak zawh theih beisei a ni.

Lungphum ni hian Kohhran hnatlangpui koh nghal a ni a. Puitling 172 leh naupang 16 vel zet an thawk chhuak a. Rawra trip 2 chhut zawh vek a ni a,tin, Bankhur 9 vel laih zawh hman a ni.Leivung engemawzat chhun a ni bawk.

Govt. Saitual College III BA Result 2011

IIIBA(Gen)
Rno Name Regr Course Honours Marks Result
0716BAG007 K.C. Lalremchhungi 1851/2006-07 IIIBA(Gen) - 676 Second
0716BAG011 David Lalremruata 3405/2007-08 IIIBA(Gen) - 526 Simple Pass
0816BAG001 Reuben Biakhmingsanga 1240/2008-09 IIIBA(Gen) - 770 Second
0816BAG003 Samuel Lalramhuala 1245 / 2008-09 IIIBA(Gen) - 727 Second
0816BAG005 Lalhmingliani 1242 / 2008-09 IIIBA(Gen) - 642 Second
0816BAG009 Lawmsangkimi 1246/2008-09 IIIBA(Gen) - 736 Second
0816BAG010 Lalchamliani 1232 / 2008-09 IIIBA(Gen) - 715 Second
0816BAG012 Lalremruata Sailo 3581 / 2008-09 IIIBA(Gen) - 610 Simple Pass
0816BAG013 Lalchhanhima 1268 / 2007-08 IIIBA(Gen) - 608 Simple Pass
0816BAG014 C.Lalremruata 2926/2002-03 IIIBA(Gen) - 787 Second
0816BAG015 Lalramngheta Hmar 1244 / 2008-09 IIIBA(Gen) - 684 Second
0716BAG005 Lalthakimi 1843/2006-07 IIIBA(Gen) - 740 Second
0716BAG009 K. Rosangliani 3409/2007-08 IIIBA(Gen) - 668 Second

IIIBA (Hons)
Rno Name Regr Course Honours Marks Result
0816BAH005 P.C. Vanlalhriata 1229/2008-09 IIIBA(Hons) Geography 436 Second
0816BAH006 Robert Lalbiakhluna 1234/2008-09 IIIBA(Hons) Geography 468 Second
0816BAH007 Lalruattluanga 1236/2008-09 IIIBA(Hons) Geography 431 Second
0816BAH009 Lalmuankimi 1237/2008-09 IIIBA(Hons) Geography 422 Second
0816BAH010 Rebecca Laltlanhlui 1238/2008-09 IIIBA(Hons) Geography 425 Second
0716BAH006 K. Lalhuanmawii 3397/2007-08 IIIBA(Hons) Geography 462 Second
06-7/732 K. Lalchhuansanga 285/2005-06 IIIBA(Hons) Mizo 396 Second
06-7/741 R. K Lalremruata 277/2006-07 IIIBA(Hons) History 318 Simple Pass

Kan hnungtawlh tan em ni...!!

Hun lo inher danglam zel hian mihring te pawh hi kan ngaihtuahna min her danglam sak nasa ta hle a ni tih chu sawi ngai lovin kan khawsak dan leh kan nunphung han en hian chiang takin kan hre thei awm e.

He khawvela kan lo pian chhuah ve hma daih tawh atang khan he kan Saitual khawtlang hian A.O kan lo nei ve tawh a, chu chu khaw thang zel leh hma kan sawn ve hret hret avangin Kum 2001 khan A.O chu SDO (C) in a rawn thlak ta a, vawiin ni thleng hian SDO (C) awpna hnuaiah he kan Saitual khawtlang hi kan la kal chho mek a ni. Theihpa tawpin khawtlangin hmasawn tumin kan bei a. Hun engemaw chen chu Town tih hmingpu in kan awm chho a, DHDC (District Headquarter Demand Committee) ten Sawrkar lam hotute an nawr angin Dt. 1st Sept. 2008 khan Saitual Town chu Sawrkar lam hotu ten District Headquarter ah min puang ve ta a. Khami ni khan kan lawmin khawtlangin kan lawm a nih kha. Tichuan a hming chuan District Headquarter tih hming chu vawiin ni thlengin kan la pu ve mek a, hmalakna leh District Headquarter a nih tur anga function thei si lovin kan awm mek a nih hi. District Headquarter a puan kan nih atangin vawiin ni thlengin DC pawh kan la nei lova, chumi achhapah kan SDO (C) neih ve chu Saitual khua atangin Keifang ah sawnchhuah a la ni maithei zui lehnghal a, ngun taka ngaihtuah tu tan chuan a beidawnthlak teh zawng a nih hi.

He thilah hian tu hi nge mawhphur kan in en fiah theuh angai khawp mai, Khawtlang mipui lah kan lungrual lo, kan lungrual loh zia ti lang tu chu MG-NREGS ni 100 inhlawhna chung changah hian sawi tam ngai lovin a hriat theih. A lehlam zawng chuan mipui te chu a thuhmun thap theih tak tak loh a, Khawtlang hruaitu te hian kan an zir lo hmasa zawk em ni ang…?!. Mipui leh khawtlang hmangaih tak tak tu tan chuan tun kan hun tawng mek a khawtlang hruaitu a hming a lo nih ve pawh hi a zahthlak lek lek chu a ni.

SDO (C) sawnchhuah chung changah pawh engati nge mi khaw V/C ten Office hmun tur ram an pek theih lai a Kan khaw V/C ten ram an pek ve mai loh. Nge an duh tawh lova chhuak sela an duh, Mahni hna leh chhungkaw nawmsakna tur ringawt buaipui lo, hmalam hun thlir a, khawtlang hmangaihtu dik tak hruaitu kan mamawh a ni mai lo’ng maw..? Hmasawn aiin hnungtawlh hi thil hlauhawm tak a ni, mahse tun ang dinhmunah hi chuan kan hlauh ang ngei ngei hian kan hnungtawlh dawn..! Saitual khua a din tan atangin a la hnungtawlh ngai lo. Keimah vanga he khawtlang hi a hnung tawlh ai chuan tiin ngaihtuahna te hi an seng ve ngai em le..

Hun engemaw ti atang khan kan V/C te hian Contract an thawk nasa em em a, hei pawh hi tunhma a kan V/C lo ni tawh thin ten contrac an thawh vak vak kan hre ngai lo. Tunah erawh chuan II class Contractor ai chuan khawkhat V/C te an hlawk tawh zawk hial ang. Mahni inhai vur ai chuan Khawtlang hmangaih tu nih hian kan hming a tha zawk dawn tih kan hre theuh a ni lawm ni? Kan Pathianthu-ah pawh Sum tamtak aiin hmingthat hi thlan zawk tur a ni; Tangka leh rangkachak aiin duhsakna angainat awm… tiin kan hmu a nih kha.

Thalai naupang zawk leh thangthar lola awm mek tur te tan he kan khawtlang hi eng angin nge a la awm chhoh dawn tih hi ngaihtuah chian a ngai khawp mai. ‘Tunah hian siamtha tu nge tichhetu leh ti hnungtawlh tu kan nih,’ tih hi kan khawtlang hruaitu te hian mahni in en nachang hre ve sela a duhawm khawp mai. 2015 ah Centenary lawm turin kan in buatsaih a, Kum 100 hmel hmu tawh mai tur si in tun thlengin Internet pawh kan la hmang thathum thei lo te hi a zahthlak. Mutmawh hnarmawh ah nei ve deuh sela a duhawm khawp mai. Kan dawihzep a, thil hi kan palzam lutuk hi a dik lo, huaisen tak a kan auchhuah pui ve a tul tawh a ni mai lawm ni..?

He kan pianna hmun leh kan nu leh pa te lu kan lo phumna hmun kan khaw neih chhun hi kei (Saitual khua lo chu ka khua ti a sawi tur nei ve lo) hian Fahrah enkawltu leh hmangaihtu nei lo ang mai a a tal vel tur hian ka phal thei ngang lo a ni.

Chhiat tawk

lallawmsanga upa c. lalengliana fapa chu vawiin hian malaria avangin a bural. lusun chhungte kan tuarpui takzet a, pathian hnenah i tawngtai pui ang u

Saitual Pastor Bial KTP Meet hmang.

Vawiin Dt.30.6.2011 (Thursday) hian Saitual Pastor Bial Kristian Thalai pawl Meet 2011 chu Saitual Chhimveng Kohhranah hman a ni a.Zing dar 6-ah Saitual Public Playground-ah heng intihsiakna Number Games, Sakuhuilût, Chain Ball Penalty shhot out leh Poison ball-ah te Branch inelna neih a ni a.

Chawei kham dar 10:00-a tan leh in Zaipawl (Nangma Thil ropuite an sawi), Male Voice,Female Voice leh Quartet-ah te intihsiak leh niin, Chawhnu lamah Bible Quiz (Rome Lehkhathawn), Extempore speech leh Drama (Thupui: Thuawihna) hmangin Branch inelna a awm leh a, Bial chhung member 300 dawn in he meet hi hlim takin an hmang a ni.

Zan lamah inkhawm awm lehin lawman sem leh result puanna neih a ni ang. Saitual chhimveng-in hneh takin Bial meet an thleng a, member tin ten nuam an ti hle tih thu kan dawng a ni.

Mizoram Table Tennis Championship Keifangah neih a ni.

Vawiin June 30 2011 (Ningani) hian Mizoram Table Tennis Association buatsaih, Mizoram table Tennis Championship 2011 chu Keifang Community Hall-ah neih tan a ni.

He Championship-ah hian hriattheih chinah Players inziaklut hi Association leh District hrang hrang atangin Players 381 an ni a. Mizoram Table Tennis player thate an tel kim hle a ni.

Category-a then dan

Mens’ singles ah 62,

Womens’ singles-ah 65,

Junior Boys’ Singles-ah 67,

Junior Girls’ Singles-ah 20.

Youth Boys’ Singles-ah 45;

Youth Girls’ Singles-ah 20,

Junior Veteran (above 35)-ah 26;

Veteran (above 45)-ah 11;

Senior Veteran (above 50)-ah 6.

Team Event-ah Mens’ team 16 an tel a ni.

Tournament hlawhtling taka neih a nih nan hian Keifang Games & Sport Association leh Saitual Table Tennis Association-te chuan theihtawpin hma an la a, Town area-a Deptt. Hrang hrangte phungbawmah sawmin, he championship khelhna hmun Keifang Community Hall pawh tha engemaw zat sengin mawihnai takin an buatsaih a ni. Mizoram Ranking Table Tennis Championship hian June 30 atanga July 2/2011 thleng a awh ang.

Jt.YMA Saitualin Miharsa In sak sak

Vawin Dt.18.June.2011 (Inrini ) khan Saitual Joint YMA chuan Pu Laldawmliana Saitual Dinthar veng ami in chu hnatlangin an sak sak.

Pu Laldawmliana hian in sa tura a inpuahchah laiin a In chhuat tur thingzai a zaina lamah a thingkih in a khup hnuai lamah a delh a, Aizawl Civil Hospital pan pui a ni a. Aizawl Civil Hospital ah hian hun engemaw chen an awm a. Mahse , thawktu thenkhat inthlahdah avangin a hun takah a hliam hi ngaihsak a ni loh a vangin Saitual CHC pan pui leh a ni a. Saitual ah hian tihngaihna a awm loh a vangin Durtlang pan pui leh a ni a, a ke hi an lo tansak ta a ni.

Hnatlang ah hian mi 150 vel an thawk chhuak a, mi tlawmngaite pawisa thawhkhawm hi Rs. 32,150/- a ni.

SBI Probationary Officer Recruitment 2011

State Bank of India chuan Probationary Officer a la thar leh dawn a. Notification leh Advertisement en duh chuan a hnuaia link ah hian a en theih.

Hriattur pawimawhte:

1. Qualification ah Graduate tal nih a ngai.

2. Kum 21 leh 30 inkar an ni tur ani. (ST/SC chu kum 5 ngaihhnathiamna a awm)

3. SC/ST tan Exam fee Rs 50 pek a ngai. (Hei hi bank ah deposit tur a ni)

4. Apply turin Signature Scan copy leh passport photo soft copy neih a ngai.

Exam Kalhmang:

Written test hi Objective leh Descriptive type a ni a, mark 250 pu darkar 3 chhunga chhan tur a ni. Objective bikah hian mark 200 puin darkar 2 chhunga chhan tur a ni a, descriptive hi mark 50 niin darkar 1 chhunga chhan tur a ni. Objective chuan heng hi a huam:

i) Test of English Language (Grammer, Vocabulary, Comprehension etc.)

ii) Test of General Awareness, Marketing & Computers

iii)Test of Data Analysis & Interpretation

iv) Test of Reasoning (High Level)

Written test a tlingte chu Group Discussion leh Interview nei tura koh an ni ang. Exam Center hi Aizawlah a awm a, Application hi online a submit tur a ni. Fee Payment Voucher download hnuah SBI bank ah voucher hmang khan fee pek a, online a apply mai tur a ni. Hrechiang duh tan a hnuaia link ah hian a en theih.

http://sbi.co.in/user.htm

Notification: http://sbi.co.in/webfiles/uploads/files/1305728473981_SBI_CRB_SBI_RECRUIT_PROBAT_OFFICER_ENG.pdf

Fee Payment Voucher:  http://sbi.co.in/webfiles/uploads/files/1305728473981_SBI_CRB_SBI_RECRUIT_PROBAT_OFFICER_ENG_CASH_VOUCHER.pdf

Saitual Khua leh Zirna...

Kan hriat theuh angin tunhnaiah HSLC leh HSSLC result a chhuak a, Saitual khua a zirna In kan neihte result tlangpui chu kan hre theuh awm e. Hlawhtling thar tam tak an awm laiin hlawhtling ve ta rih lo an awm bawk a. A hlawhtlingte kan lawmpui rualin hlawhtling ve ta rihlote kan tawrhpui tak zet a ni.

Tun result chhuak hian ngaihtuahna a tithui thei hle awm e. Saitual khuaah zirna In engemaw zat kan nei ve ta a, Class 10 zir theihna school phei chu tun result chhuaka a lan danin school  4 lai kan nei ve tawh a. An dinhmun en khan tan lak a ngai hle niin a lang. School thenkhat phei chu an NIL hial niin a lang a. Zirtirtute tan pawh inen chian hle a ngai awm e.

Zep thu chenglo, khawpui lamte ai chuan thingtlang lamah chuan zirlai pawh an  chaklo zawk ngei a. Amaherawhchu, kum tluana school a kan zirtir ve a nih chuan pass theilo hi an awm a rinawm loh. Tin, zirtirtu ten kan zirlaite ah competitive mind kan tuh tawklo a ni thei ang. School level ah chuan zirlaite hi an mahni thahnemngaihna ringawt a lehkha zir tura kan beisei a nih chuan kan hlawhtlin a rinawm loh. Zir lo theilo a kan siam thiam a ngai a ni. School an ngainat theihna tur leh an zirlaia an tui theihna tura ngaihtuahna sen hi zirtirtu tan chuan a pawimawh. Nitina class lak a zirtir ringawt hi a tawklo tih chu tupawhin kan hre theuh awm e.

Mizorama zirna kawng sawia sawi hmaih theih miah loh nia ka hriat chu kan society hi a ni. Kan society hian zirna kawngah nasa takin min hnuk hniam niin a lang. Hei hi chu kan khuaah chauh lo pawh Zoram hmun khaw tinah hian a ni vekin a lang. Chumi kawngah chuan zirlai nu leh pate hian kan fate kan enkawl thiam a ngai.

Tin, mi tamtakin an sawi thin chu; result tha ringawt hi school tha tehna a tlinglo an ti thin. An ngaihtuahna zawnah chuan a dik viau maithei. Mahse ka ngaihpawimawh em em chu result tha a ni tlat. High School emaw Higher Secondary emaw level ah chuan quality tak tak beisei chi ah ka ngailo. Result tha neih hi tum ber turah ka ngai. 

Tuna result thalo hi an career ti chhetu a ni thei tlat a ni. Sawrkar hna ringawt hi tuna zirlaite hian kan indaih dawnlo tih chu tlang hriat a ni. Nakinah an kal zelna ah tuna zirlaite pawh hian phaiah Company-ah hna dil duh hun an la nei ang. Chumi hunah chuan company rintlak leh lian deuh ho chuan Class 10 atanga a chunglam zawnga 60% (First Division) chinlo chu hna dil pawh an phal ngailo. Heti a nih avang hian tuna an tih chhiat hian an Career ala khawih pawi thei a ni tih hi kan hriattir a ngai a ni. Chuvang chuan nu leh pate pawhin an hma hun thlira; rilru zau tak kan put a pawiawh. Zirtirtu ten kan fate an lo hrem avanga thinrim pui tlatte hi engemaw chenah an career tichhetu a ni thei.

Result tha neih a pawimawh ka tih avang hian result tha tak neilo tan beidawnna tur a ni chuanglo. Mahse tun atanga tan kan lak a hun tih hriat erawh a pawimawh. Tun atanga kan harh chhuah a tan kan lak chuan tuna kan chunga awmte pawh hi kan la khum thei a ni.

A tawp nana ka sawi duh pakhat chu; zirtirtute hian an naupangte rilru puthmang hrechiang se, chumi mila zirtirna pek chu a pawimawh. Kan duhdan anga an awm loh avanga hrem vak ringawtte hi a thalo. Kan hrem dawn nih pawhin an mahni khan an thil tihsual an pawm a, hrem ngai an ni tih inpawm tir a tha. An mahni convince paha kan enkawl loh avang hian an luhlul a, school an ngainat loh phah thin a ni.

Barabba nge, Isua, Krista an tiha chu?

Mathaia 27:17

Chutichuan an rawn inkhawm chuanin Pilatan an hnenah, “Tunge chhuahsak che u ila in duh? Barabba nge, Isua, Krista an tiha chu?” a ti a.

He Bible chang hi kan hre theuh awm e, chang lar tak, Lal Isua Krista an man a, Pilata hnena an hruai a, Pilatan Isua chungchang ro a rel sak a mipui ngaihdan a lakna a ni.

He zawhna hi zawhna pawimawh tak chhan awlsam tak anga lang mahse kan chhanna anga kan nunpui theih thin loh a ni. Lal Isua an man lai khan he zawhna dawngtu leh chhangtu te kha hlawm 4-ah a then theih a, an chhanna pawh a inang tlang hle in a lang.

He zawhna “Barabba nge, Isua, Krista an tiha chu?” tih dawngtu leh chhang hmasa bertu chu Juda Iskariota, Isua zirtirte zinga mi kha a ni. Lal Isua zuitu leh a rawngbawl saktu, a hnena awm a, a thiltih mak tamtak hmutu a ni. Mahse he zawhna a dawn khan a chhanna chu“Amah chu ka mantir ang che u a, engnge min pek ang?” tiin a zui thin Isua Krista chu a phatsan ta a ni tih kan hria.

Petera khan he zawhna hi a chhang ve leh a, Lal Isua Olive tlanga a hruai khan “An zain i chung thuah lungni lovin awm mah sela kei zawng lungni lovin ka awm tawp lo vang,” (Mat 26:33) tih leh “I thihnaah chuan thi ve dawn mah ila ka phat tawp lo vang,” (Mat 26:35) tiin a tawngka in chang mahse Lal Isua an man zanaah kha chuan Petera meuh pawhin vawi thum lai mai Lal Isua a phatsan a ni tih kan hmu a ni.

He zawhna chhangtu dang leh chu Pilata a ni. Pilata hi he zawhna zawttu angin lang mahse a rorelna atangin he zawhna hi a chhang a. Mathaia 27:15 ah heti hian kan hmu a, “Tin, Ram Awptuin kut niah chuan mi tang pakhat, an duh apiang, mipuite chu a chhuahsak thin a.” tiin. Hetah hian mipuite duhthlan Baraba chu a chhuahsak ta a, Lal Isua chu “in tih tihin ti rawh u” tiin a pe ta a ni. Pilata hian Lal Isua sualna a hmu lo, mahse mipuiho avangin Lal Isua aiin Baraba a chhuah ta zawk a ni tih kan hria. Pilata hian Lal Isua felna en lova mipuiho duhdana a kal avangin duhthlanna a hmangsual ta a ni. Kan nitin nunah pawh Lal Isua en lova Khawvel thil, a nawmna te, a duhawmna te, midang ngaihdante kan en thin avangin Pilata ang maiin thlan tur diklo kan thlang thin a ni.

Chhangtu palina chu Juda mipuite Lal Isua Rorelna a lo pungkhawm ho kha an ni. Anni chuan krawsah khengbet rawh tiin an chhang a. Chumai piah lamah “A thisen chu keimahni chungah leh kan fate chungah awm rawh se,” tiin an chhang a ni.

Heng kan sawi tak te zawng zawng hian an zawhna dawn hi an chhang sual vek a ni. Juda Iskariota chu a chhang sual a ni tih a hriat meuh chuan a tlai tawh a, a inchir a, mahse a tlai lutuk tawh. Amah leh amah a intihlum a ni tih kan hmu. Petera hian a chhan dikloh avangin a inchhir a, a tap zawih zawih ani tih kan hmu bawk a. A hun lokal zelah Lal Isua tana mi tangkai tak a ni tih kan hmu thei a ni. Pilata chuan thiam inchantirnan mipuiho hmaah a kut a sil a ni. Mahse Juda ho ngaihdanah chuan “Enganga tam pawhin a kut sil mahse Lal Isua thisen kai kha chu a silfai thei chuanglo” tih hi a ni. Juda mipuite hian Lal Isua an hnawl avangin chumi rahchhuah chu vawiin thlengin an tuar a, Israel ram chu rambuai a ni kumhlun ringawt mai a ni.

Awle he zawhna hi tunah keini pawh zawhin kan awm mek a ni.“Barabba nge, Isua, Krista an tiha chu?” entin nge kan chhan ve dawn le? Tawngka a chhan ngai a ni lova kan nuna kan chhan tur zawhna a ni. Thlan tur dik chu kan hria. Chumi thlangtu te chu mi vannei berte an ni. Thlan tur diklo kan thlang a nih chuan kan tawpna chu Juda Iskariota anga duhawmlo kha a ni thei.

Kan nitin nunah harsatna leh thlemna tam tak karah pawh Lal Isua thlangtu kan nih theuh theihnan Lalpan Malsawm Rawh Se. Amen.

HSSLC Result

Saitual a Higher Secondary School Kan neih chhun HSSLC Examination a kan dinhmun.

Sl No.	Name	Roll No	Mark Obtained	Result
1	H.LALREMRUATI	1102003515	168	C
2	JOY LALROMAWII	1102003516	277	II
3	LALTHLAMUANI	1102003517	208	III
4	RUTHI. K. DIKI	1102003518	225	III
5	VANLALHLUNI	1102003519	225	III
6	C.MALSAWMDAWNGLIANA	1102003520	238	III
7	ISAAC B.LALTHLAMUANA	1102003521	214	III
8	JERRY VANLALPEKA	1102003522	174	F
9	K.VANROMAWIA	1102003523	215	III
10	K.ZOREMMAWIA	1102003524	311	I
11	LALHRUAITLUANGA	1102003525	48	F
12	LALLAWMZUALA	1102003526	229	III
13	MS DAWNGLIANA	1102003527	202	III
14	R.LALLAWMZUALA	1102003528	194	III
15	SAMUEL LALREMMAWIA	1102003529	250	II
16	T.LALREMRUATA	1102003530	210	III
17	TC LALRINCHHANA	1102003531	166	F
18	V.VANLALPEKA	1102003532	171	III
19	ZOHMINGSANGA	1102003533	238	III

Source: hetah

Arunachal Pradesh ah Chopper mi 23 phur chesual.

Pawan Hans helicopter mi 23 phur chu Tawang khua a a tum tur kangmei a chhuah avangin a chesual.

Tawang District Commisioner G.Padu sawi danin a chuang zinga mi 6 chu chhanchuah niin mi 17 te chu thia rin an ni. Helicopter hi Guwahati atangin 1:15PM khan thlawk chhuakin Tawang khaw helipad bulah a chesual a ni. A tlakna hi kawr ruam meter 15 laia thukah niin Pawan Hans thupuangtu chuan a sawi.

Khawmpui hmang dawn

Presbyterian kohhran Saitual Pastor bial inkhawmpui Dt. 15th - 17th thleng awh turin Saitual 'N' Kohhran Biak In ah neih a ni dawn. Saitual Pastor bial chhungah hian Kohhran 3 (Pathum) a awm a, Saitual Kohhran, Saitual Chhimveng kohhran leh Saitual 'N' kohhran te an awm a ni. He khawmpui ah hian Thlarau lam thupui pawimawh tak 'Dikna' tih an hmang dawn. Khawmpui dawngtu tur Saitual 'N' Kohhran te pawh nasa takin an in buatsaih a ni.

      

Innei dawn

Lalhmunsiama s/o Chharhmingthanga Saitual C.I. Veng leh VL Hminghlupuii d/o R.K Lalbiaknunga, Sawleng Khua chu Saitual Chhimveng Presbyterian Kohhran Biak Inah Ni 14. April (Thursday) hian Kohhran dan Thianghlimin an innnei dawn. Mi zawng zawng heta tel tur hian sawm vek kan ni.

HSLC RESULT

Saitual Khua a school hrang hrangte HSLC exam result

GOVT. SAITUAL HIGH SCHOOL

Apr-32,Pass-18

1101004985 H LALMUANPUII                              III

1101004987 K LALHMANGAIHZUALI                III

1101004990 LALMUANSANGI                              II L in Mz

1101004992 LALNUNTHARI                                  II

1101004994 LALRINKIMI                                      I L in SS,Mz

1101004997 PC VANLALDINPUII                        III L in Mz

1101004998 SAIDINGPUII                                      III

1101004999 VANLALCHAMLIANI                      III

1101005000 VANLALREMTLUANGI                   II L in Mz

1101005001 VANLALRUATI                                  III L in Mz

1101005003 HMANGAIHDAWNGLIANA                       III

1101005004 JH LALRINZUALA                            II L in Mz

1101005006 LALBIAKTHANGA                            II

1101005007 LALCHHANDAMA                            III

1101005009 LALDAMPUIA                                    III

1101005010 LALNIROPUIA                                   III

1101005013 PC LALTHANSANGA                        III

1101005014 ZOHMANGAIHA                               II

SAITUAL HIGH SCHOOL-II

Apr-10,Pass-3

1101005040 JH LALREMSANGI                            III

1101005042 LALLAWMSANGI                              II

1101005048 SAMUEL LALPEKKIMA                   II

ROSEBUD ENGLISH SCHOOL

Apr-5,Pass-0

1101005075 DEBBIE LALRUATKIMI                   C(M)

1101005078 LALZUITLUANGA                            C(M)

R & B RESIDENTIAL SCHOOL

Apr-3,Pass-2

1101005086 ELIZABETH ZOTHANGPUII            III

1101005087 K LALDUHSAKI                                III


Pass thar zawng zawngte lawmpuina kan hlan a. An zir leh zelna turah duhsakna kan hlan bawk e.

Note: Tih dikloh palah mawh kan phurlo ang. Hmun hrana awm Saitual khawmi Pass tharte pawh rawn update leh a ni ang.

Lal Isua kan thiantha berin

He hla "Lal Isua kan thiantha berin" tih hla hi hla ropui tak Chrstian zawng zawng tena kan duh em em a ni awm e. He hla hi tawng hran hrana lehlin niin Khawvel hmun hrang hrangah Christiante zingah hla lar ber pawl a ni.

He hla ropui tak hi a lo chhuahna kan ngaihtuah ngai em? He hla ropui tak phuatu hi  Joseph M. Scriven a ni a. Ani hi kum 1820 ah Dublin, Ireland khuaah a lo pianga. Trinity College atanga a graduate hnuin Canada-ah a pem a. Canada-ah hian nula hmeltha tak nen intawngin inneih an rel a, an inhmangaih em em a, an pahnih chuan "Eng harsatna pawh tawk ila, Pathian hnenah thlenin kan harsatna sutkian a nih theihnan kan tawngtai anga, tichuan inhmangaih takin kan hun kan hmang dun dawn nia" tiin an sawi thin a.

An inneih hma ni ah chuan a nupui hual chu a thian thenkhatte nen lawngah chuangin tuipui chungah an lengvak vel a, a thianten an sawi danin "Pasal ka neih hma a ka lenvah hnuhnung ber a ni dawn tawh a" tiin a sawi nghe nghe a ni. Chutihlai tak chuan thawklehkhatah thlipui a lo thawk thut a, lawng chu a chhem let ta a. A nupui hual tihloh chu midang zawng zawng chu chhanchuah an ni a. Joseph chu a pindan chhunga a awmlai chuan kawngka chu a rawn in kik dawt dawt a. Lehkhathawn lungchhiat thlak tak; a nupui hual thih thu hrilhna chu an rawn pe a!! Lungchhiatna nasa tak chuan a tuam nghal a, tih tur ber pawh hreloin leh rilru mumal pawh pu lovin hun engemaw chen chu a awm a! a tawpah chuan thingthiin a tawngtai ta a. Pathian hnenah tanpuina a dil a. A phurh zawhloh harsatna a chungah lo thleng ni ber hian a hria a. Chu a lungngaihna leh manganna avang chuan Pathian a au a.Pathian chhanna chu a chungah a lo lang ta a.

A hnu reilote ah chuan Joseph a nu chu a hnenah lo kalin a tawrhpuina thu leh amah hnemna thu chu a rawn hrilh a. A nu hnenah chuan he hla ropui tak lo ziak a lo pui turin a dil a. A thil tawnmek atang chuan he hla ropui tak hi a phuah chhuak ta a ni.

Damlo

Saitual Chhimveng tlangval, Lalremhlua; tuna Dongsung Company Chennai a hna thawk a awm chu a hnathawhna hmunah a chesual a tunah hian zai tura tih niin Rajiv Gandhi Goverment Hospital ah enkawl mek a ni. A thatchhuah leh thuai theihnan i tawngtai pui ang u.

Bul tan nan.

Saitual khuain engemaw kawng zawng tala hma kan sawn a, hmundanga awmten kan khaw chanchin kan lo hriat theihnante leh kan bengvar tlan zawk nan he blog hi siam a ni a. Saitual blog hrim hrim hi chu tu emaw ten kum 2008 khan an lo siam tawh a, mahse update mumal lohna a rei tawh a, a siamtu contact ngaihna ka hre bawk silova a tharin ka han siam ve ta ngawt mai a ni.

A theih ang anga update zel kan tum anga, tunah hian data collect mek a ni a. A bultan nan free hosting a tih phawt tum a ni a. A hmangtuten kan hman tangkai dan azirin domain te pawh lei leh zel tura hmalak kan tum dawn nia.